Адријана Георгиев, раководител на Програмата за трансплантација од Министерството за здравство, нагласи дека „ова е филм за тоа како органодонорството ги менува животите на сите нас“.

– Би сакала да се заблагодарам на три млади жени кои беа инспирација за овој филм, но и инспирација за тоа како во животот треба да не’ водат емпатијата, добрината, сочувството и љубовта. Нивната одлука да ги донираат органите од нивната мајка спасија неколку животи, а на сите нас ни покажаа како и најтешките мигови некогаш можат да изродат добрина. Овој филм им е посветен на нив. Посветен е на нивната мајка и на сите останати донори и на нивните семејства кои во моменти на најголема така одлучија да ги донираат органите  и да спасат нечиј живот. Филмот е посветен на сите пациенти кои чекаат на листите за трансплантација и на сите оние кои добија орган од починат дарител. На луѓето како Емилија која ни беше инспирација да ја започнеме приказната со трансплантацијата на срце и да не се откажуваме дури и кога се чини декка е најтешко. Таа е една од оние луѓе кои ни покажуваат како е да се сака животот. Благодарност до делегацијата на ЕУ која ја препозна нашата работа и ни помогна не само да го снимиме овој филм туку и да го реализираме целиот проект за Поддршка на системот за трансплантација во земјава. Ова е филм кој ја покажува моќта на трансплантацијата раскажана и преку приказните на оние кои ја работат – лекарите и влијанието кое таа го има врз нив како професионалци, рече Георгиев.

Во режија на Христина Ѓорѓиевска и во продукција на „ВИДИ ВАКА” во соработка со Министерството за здравство на Република Северна Македонија, документарецот служи како образовна алатка за отстранување на заблудите за донирањето органи и за охрабрување на граѓаните да размислат да станат донатори.

Документарниот филм ќе биде понуден на националните телевизиски станици и другите медиуми заинтересирани да придонесат за оваа витална кауза. Дополнително, ќе биде пријавен на бројни филмски фестивали како во земјата, така и низ Европа, за да се прошири свеста за важноста на оваа животоспасувачка медицинска процедура.

The post Кога човечноста ја победува загубата  – премиерно прикажан документарниот филм „Промени го крајот на нечија приказна” appeared first on Support of the transplantation system.

– Огромно е значењето на дарувањето органи врз животите на луѓето кои чекаат трансплантација на орган, што претставува шанса за продолжување на нивните животи, и уште поважно, шанса за поквалитетен живот за овие пациенти. Сакам да изразам благодарност и почит на медицинските работници, и сите чинители кои учествуваат во процесите на трансплантација. Неодамна потпишавме заеднички план за соработка со Министерството за здравство на Република Хрватска за тригодишен период 2024-2026 година. Преку ТАЕКС програмата на ЕУ, експерти од Хрватска беа во посета на Македонија и дадоа предлози за подобрување на системот од аспект на законодавство, усогласување на стандардите со ЕУ, како и организација на системот.
Изминатиот период, сакам да потенцирам дека постојните болнички координатори без застој го работат својот сегмент од процесот, нагласи министерот Таравари, откривајќи дека од овој месец почнуваат и обуките и едукацијата во делот на ткивната банка  со експерти од Хрватска.
Во ноември, ќе има и обуки за болнички координатори за трансплантација, со цел надградба на вештините на болничките координатори во препознавање на потенцијалните донори.

 –Нашата заложба е континуирано унапредување на системот во овој сегмент. Најважно е што во моментов, на листите за срце, црн дроб и бубрези нема пациенти кои се означени како итни и кои чекаат итно трансплантација. На крајот уште еднаш сакам да апелирам за зголемување на свесноста за органодарителство, како највисока и најблагородна форма на хуманизам, дарувајќи подарок на живот, на тие на кои им е најпотребен – потенцира министерот Таравари.

Трансплантацијата за најголем дел од пациентите е единствена шанса за живот. За други пак е можност за поквалитетен живот, но таа не може да се случи доколку не постои актот на органодарување. Само благодарение на храброста, несебичноста и емпатијата на семејствата на донорите, трансплантацијата е возможна. И токму тие семејства се вистинските херои на оваа приказна за животот. Да се подари органи, значи да се подари некому втора шанса на живот.

Денешниот настан е организиран во рамки на ИПА проектот за подобрување на Националниот ситем за трансплантација на Р. Македонија, а во соработка со Министерството за здравство и ЕУ Делегација.

Претставничката на Делегацијата на Европската Унија, г-а Мариа Канелополу, нагласи дека Европската Комисија забележала дека е остварен напредок во однос на органодарителството и трансплантацијата во земјава како и напори за уредување на модерни процедури за трансплантирање на крвни плочки.

– Областа на крв, ткива, клетки и органи беше една од првите здравствени области во која Европската комисија воведе правила и регулативи. Овие регулативи ги дефинираат стандардите за квалитет и безбедност на човечките органи наменети за трансплантација. Постојат два клучни принципи кои управуваат со органодарувањето. Прво, донациите на органи од починати и живи донатори се доброволни и неплатени, и, второ, прибирањето на органи се врши на непрофитна основа. Секоја земја членка на ЕУ треба да ги примени овие принципи и да обезбеди – пред сè – добросостојба на пациентите и донаторите. Од витален интерес на секоја земја е да развие структури, да обучи кадар и да воспостави инфраструктура за целосна примена на овие принципи и регулативи – посочи Канелополу.

Треба да сме свесни сите дека понекогаш некој крај значи и нов почеток. Нов живот. За пациетите тоа е нов почеток, за семејствата е можеби утеха дека дел од нивните најблиски продолжува да живее. За сите останати е надеж и верба во добрина во ова малку тешко време кое го живееме, порача д-р Билјана Кузмановска, Национален кооридинатор за трансплантација.

– Нашата мисија е благородна и во служба на хуманоста. Целта на одбележувањето на овој ден е да истакнеме колкаво значение има органодарителството врз животите на луѓето кои чекаат трансплантација на орган, што претставува шанса за продолжување на нивните животи, и уште поважно, шанса за поквалитетен живот за овие пациенти. Донаторите на органи, како живите, така и починатите, се пример на највисока и најблагородна форма на хуманизам, дарувајќи подарок на живот, на оние на кои им е најпотребен. Со зголемување на свесноста за орган донорството преку едукации, како на медицинските лица, така и на популацијата, целта е пораката за орган донорството да допре до луѓето.Воедно сакам да изразам благодарност и почит на медицинските работници, и сите чинители кои учествуваат во процесите на трансплантација.Нашата мисија е благородна и во служба на хуманоста – вели д-р Кузмановска.

На денешниот настан присуствуваа и двајца пациенти со механички срца, Слободан Манев и Васко Јолески, ги споделија своите инспиративни и трогателни приказни за предизвиците со кои се соочуваат во нивното секојдневие. Тие живеат во постојана борба, зависни од механичките срца кои ги одржуваат во живот додека го чекаат спасоносното решение – трансплантација на срце.

Слободан, кој веќе три години живее со имплантиран ЛВАД, објасни како овој уред буквално го одржува во живот.

–Секој ден ми е полн со предизвици, но и со благодарност што сум со своето семејство. Ова е живот на кабли и батерии, но постои надеж – вели тој, апелирајќи до јавноста да се размислува повеќе за важноста на органодарувањето.

Јолески, пак, кој го дели истиот предизвик, нагласи дека најголем страв е евентуалниот прекин на струја, кој би можел да ги има најтешките последици.
–Се надеваме на денот кога ќе добиеме ново срце и нов живот. Механичките срца се мост до трансплантација, но трансплантацијата е единствениот траен лек – нагласи Васко.

Органодарувањето е чин на човечка солидарност и хуманост кој на многумина може да им го спаси животот. Настанот заврши со апел до сите граѓани да размислат за дарување органи, бидејќи токму тоа претставува можност за спасување на животи на луѓе како Слободан и Васко, кои го чекаат своето второ срце и нова шанса за живот.

Патувачката изложба „Од срце за животот“

Во рамки на настанот беше претставена и патувачката изложба „Од срце за животот“.

Изложбата, која веќе ги посети Велес, Струмица и Струга, повторно е поставена во Скопје, и преку уметнички дела го прикажува значењето на органодарувањето. Делата на изложбата ја раскажуваат приказната за животот и надежта што ги носи трансплантацијата, а ќе бидат достапни за јавноста во Кинотеката до 17 октомври.
Изложбата ги претставува уметничките дела на шест професионални дизајнери, како и на средношколци, кои беа одбрани за најдобри на Повикот за визуелни дела на тема: органодарување, како и 15 дела на автори кои влегоа во најтесниот избор.

Настанот и изложбата се дел од проектот „Поддршка на системот за трансплантација“, финансиран од ЕУ во кој Министерството за здравство е краен корисник.

Фотографии: Томислав Георгиев

The post Променете го крајот на нечија приказна: Дарувањето органи – шанса за нов живот appeared first on Support of the transplantation system.

Посетителите во Струга ќе можат да видат дела кои инспирираат надеж и поттикнуваат размислување за важноста на донирањето органи. Од вкупно 120 пристигнати дела на конкурсот, избрани се 20 кои со својата креативност и емотивност го истакнуваат значењето на трансплантацијата.

Изложените дела ги обработуваат темите на надежта, издржливоста и убавината на дарувањето, пренесувајќи силни пораки за животот и сочувството. Овој настан е дел од пошироките напори за подигнување на свеста за органодонорството и неговата улога во спасување и подобрување на животите на пациентите.

Изложбата беше првично поставена во Скопје, во „Ист Гејт“, каде присуствуваа бројни поддржувачи и авторите на делата. Националната координаторка за трансплантација, Маја Мојсова Мијовска, го истакна значењето на трансплантацијата за здравствениот систем во земјата, нагласувајќи ја хуманоста на донирањето органи.

Сега и граѓаните на Струга имаат можност да уживаат во оваа инспиративна изложба, која повикува на размислување за донирањето органи и неговата трансформирача моќ.

Изложбата е дел од проектот „Поддршка на системот за трансплантација“, финансиран од ЕУ во кој Министерството за здравство е краен корисник.

The post „Од срце за животот“: Патувачката изложба пристигна во Струга appeared first on Support of the transplantation system.

Овој значаен настан има за цел да ја подигне свеста кај населението за важноста на органодарителството, што претставува еден од најблагородните и животоспасувачки чинoви.

Органодарителството овозможува луѓето да подаруваат втора шанса за живот, помагајќи им на оние кои се во критична состојба и чекаат на трансплантација. Тоа е чин на хуманост и емпатија кој носи надеж и промени во животите на многумина. Одбележувањето на Светскиот ден на органодарителството е од големо значење, бидејќи ја истакнува потребата од зголемување на бројот на донори и информирање на јавноста за процесот и придобивките од донирањето органи.

На настанот, кој ќе се одржи во вторник, на 13 август, со почеток во 17 часот на плоштадот во Охрид, поканети се сите заинтересирани да се приклучат и да ја поддржат оваа важна иницијатива.
Придружувањето на вакви настани не само што ја подигнува свеста, туку и помага во создавање на заедница која е информирана и подготвена да даде свој придонес во спасувањето животи.

photo: Freepik

The post „Храбро срце“ активно ќе го одбележи 13 август, Меѓународниот ден на органодарителството appeared first on Support of the transplantation system.

Изложбата содржи дела на шест автори – професионални дизајнери и средношколци: Ана Тасева, Гоце Велески, Воскресија Андреевска, Амра Седиковиќ, Давид Манасијевиќ и Адријана Мирчевска, кои беа наградени за своите креативни решенија на конкурсот на тема трансплантација и органодонорство. Од вкупно 120 пристигнати дела, внимателно беа избрани 20 кои нудат единствена перспектива на приказната за органодонорството и трансплантацијата.

Овие дела истражуваат теми како надежта, издржливоста и убавината на давањето, и претставуваат извонреден приказ на креативност и сочувство. Изложбата е значаен потфат во поддршката на системот за трансплантација во Република Северна Македонија. Органодонорството не само што спасува животи, туку и значително го подобрува квалитетот на животот на реципиентите. Со секоја донација се отвораат нови можности за живот и здравје за многу пациенти.

На иницијалното отворање на изложбата во „Ист Гејт“ во Скопје, покрај авторите, присуствуваа и бројни гости и поддржувачи. Маја Мојсова Мијовска, националната координаторка за трансплантација, изјави дека трансплантацијата е од суштинско значење за здравствениот систем и дека оваа изложба помага да се подигне свеста за важноста на органодонорството. Таа додаде дека секоја донација е чин на хуманост, кој носи надеж и подобар живот за многу луѓе.

Изложбата, со својата креативност и емоција, успеа да го привлече вниманието на јавноста и да поттикне дискусија за значењето на донирањето органи.

Посетителите во Струмица сега имаат можност да се запознаат со оваа важна тема преку уметноста и да се охрабрат да размислат за дарувањето на органи.

The post Од срце за животот, достапна и за струмичани appeared first on Support of the transplantation system.

Патувачката изложба посветена на трансплантација и органодонорство, „Од срце за животот“, која ги истакнува делата на професионални дизајнери и средношколци, моментално е достапна за посетители во Велес, во просториите на „Јуроп хаус Велес“.

Изложбата содржи дела на шест автори – професионални дизајнери и средношколци: Ана Тасева, Гоце Велески, Воскресија Андреевска, Амра Седиковиќ, Давид Манасијевиќ и Адријана Мирчевска, кои беа наградени за своите креативни решенија на конкурсот на тема трансплантација и органодонорство, како и на авторите кои влегоа во најтесниот избор.

Од вкупно 120 пристигнати дела, внимателно беа избрани 20 кои нудат единствена перспектива на приказната за органодонорството и трансплантацијата.

Овие дела истражуваат теми како надежта, издржливоста и убавината на давањето, и претставуваат извонреден приказ на креативност и сочувство. Изложбата е значаен потфат во поддршката на системот за трансплантација во Република Северна Македонија.

На иницијаланото отворање на изложбата во „Ист Гејт“ во Скопје, покрај авторите, присуствуваа и бројни гости и поддржувачи.

Изложбата, со својата креативност и емоција, успеа да го привлече вниманието на јавноста и да поттикне дискусија за значењето на донирањето органи.

The post „Од срце за животот“ пристигна во Велес appeared first on Support of the transplantation system.

Првата клапа падна на 13.03.2024 година на Клиниката за државна кардиохирургија, кога се трансплантираше срце.

Овие фотографии се направени со дозвола на стручниот тим и на семејството на пациентот. Снимен е и видео материјал кој понатаму ќе биде дел од документарниот филм, кој јавноста ќе има можност да го погледне оваа есен. Оваа пролет ќе се снима на уште неколку локации во Скопје и низ земјава.

Целта на кампањата е да се подигне јавната свест за органодонорството и трансплантацијата, преку низа креативни активности.

Tрансплантацијата на органи, освен што спасува животи, ги поставува и темелите на етичките принципи во здравството, но и во општеството во целина. Органодонорството не само што спасува животи на пациентите кои немаат друг избор за лекување, туку и ја испитува нашата хуманост. Семејствата на донорите заслужуваат почит и признание за нивниот алтруизам и надежта која ја даваат за подобра иднина на болните, но и на целото општество преку нивниот пример. 

Проектот е финансиран од страна Европската Унија и се реализира во соработка со Министерството за здравство.

Фотографии: „Види вака“

The post Се снима документарен филм за кревање свест за органодонорство appeared first on Support of the transplantation system.

Ним, вчеравечер, во Ист Гејт, во Зелената оаза, им беа доделени наградите за креативниот влог кој допрва има за цел да поттикнува отворено размислување и разговор за значењето на органодонорството.

Од над 120 дела пристигнати на конкурсот, 20 внимателно избрани уметнички дела нудат единствена перспектива на приказната за органодонорство и трансплантација, истражувајќи ги темите на надежта, издржливоста и убавината на давањето. Сите дела се извонреден приказ на креативност и сочувство што го слави длабокото влијание на донирањето органи и трансплантацијата. Со дела од искусни дизајнери и од ветувачки таленти, оваа изложба е доказ за моќта на уметноста да инспирира промени.

Изложба е повеќе од само уметнички потфат – таа е витален дел од определеноста на општеството да го поддржи системот за трансплантација во Република Северна Македонија.

Изложбата ја  отвори евроамбасадорот во земјава, Дејвид Гир.

Да се дарува орган е еден од најблагородните чинови што може да се направат. Донирајќи орган, вие донирате живот на друго лице. Благодарност до сите што учествуваа во Повиците, талентот е евидентен. Горди сме на поддршката што ја обезбедуваме оваа земја да добие првокласен систем за трансплантација и органодарување, систем усогласен со највисоките стандарди. Ќе продолжиме и понатаму да работиме со сите засегнаи страни сѐ со цел трансплантацијата на органи да биде на највисокото ниво за сите граѓани на земјава.  Ова е можност да ве охрабриме да ја пренесете пораката и да зборувате со вашите најблиски, со вашите семејства, колеги на работа, соседи, за придобивките што ги носи донирањето на органи. Доколку бидеме свесни – можеме заеднички да спасиме животи – изјави Гир

За најдобрите решенија и за делата кои беа дел од изложбата, одлучуваше петчлено жири кое го сочинуваа

• Дита Старова Ќерими, ликовен уметник,
• Зоран Кардула, дизајнер,
• Томислав Георгиев, фотограф,
• Маја Мојсова Мијовска, Национален координатор за трансплантација,
• Радмила Живановиќ, психолог.

Во своето образложение жирито вели дека пристигнатите дела, манифестираат голема посветеност на авторите, без разлика на нивната возраст и професионален бекграунд.

„Извонреден приказ на креативност и сочувство што го слави длабокото влијание на донирањето органи и трансплантацијата. Со дела од искусни дизајнери и од ветувачки таленти, оваа изложба е доказ за моќта на уметноста да инспирира промени. Од над 120 дела пристигнати на конкурсот, 15 внимателно избрани уметнички дела нудат единствена перспектива на приказната за органодонорство и трансплантација, истражувајќи ги темите на надежта, издржливоста и убавината на давањето. Авторите креирале дела полни со надеж и со асоцијации за поинаква, посветла иднина. Во едно брзо време на живеење, навистина дале значаен придонес во комуникацијата на една ваква осетлива тема“, стои во описот за изложбените дела на авторите.

Поздравни обраќања на изложбата покрај евроамбасадорот во земјава, Дејвид Гир, националната координаторка за трансплантација, Маја Мојсова Мијовска, и Адријана Георгиев, од Министерството за здравство кои укажаа на важноста од подигнување на јавната свест за органодонорството и трансплантацијата, и тоа не само како медицинска дејност, туку и од аспект на хуманост, емпатија, надеж.

Поздравни обраќања на изложбата покрај евроамбасадорот во земјава, Дејвид Гир, националната координаторка за трансплантација, Маја Мојсова Мијовска, и Адријана Георгиев, од Министерството за здравство кои укажаа на важноста од подигнување на јавната свест за органодонорството и трансплантацијата, и тоа не само како медицинска дејност, туку и од аспект на хуманост, емпатија, надеж.

Според Георгиев, трансплантацијата е медицински процес, но истовремено е и еден општествен процес што отвора важни прашања како што се хуманост, емпатија и љубов.

Ана Тасева е дизајнерката која ја понесе наградата за најдобар постер.

Ми беше задоволство што бев дел од овој проект, а самата инспирација беше процес на истражување, зошто прв пат работев на оваа тема. Целта ми беше да се постигне доза на надеж, постерот да биде минималистички, а во слоганот, да се даде повеќе значење, изјави Ана.

Наградата за најдобро лого отиде во рацете на Гоце Велески.

Во овие 15 години колку што се занимавам со графички дизајнер имам направено сигурно четирицифрена бројка на логоа, ама ова ми е во топ две. Се надевам ќе трае доволно долго, за моите две деца да речат „Е, ова го правеше татко ми на времето“, потенцираше Велески.

Наградата, пак, за најдобро лого ѝ припадна на дизајнерката Воскресија Андреевска. Нејзиниот слоган „Промени го крајот на нечија приказна“, ќе биде присутен во тековната брендинг кампања на сите решенија, и ќе има за цел да поттикне дискусија за една тема која е од огромно значење за сите нас.

Првата награда кај средношколците ја понесе Амра Седиковиќ.

Чест ми е што бев дел од овој конкурс и што можам да поттикнам свест за оваа табу тема, како многу важна. Инспирацијата ми беше трудот и пожртвуваноста на медицинсскиот персонал, и  сакав да покажам дека секој има шанса да даде, донесе, направи нешто добро во овој свет, порача Амра.

Втората награда отиде кај Давид Манасијевиќ, а третата кај Адријана Мирчевска.

И двајцата порачаа дека  ова било одлична можност да си ги проверат и докажат своите способности во графичкиот дизајн, но, и да ја испратат пораката дека органодарувањето е важно за сите нас.

Изложбата беше реализирана во партнерство со Ист Гејт и „Нептун Македонија“.

Настанот е дел од проектот „Поддршка на системот за трансплантација“, финансиран од Европската унија, во кој краен корисник е Министерството за здравство.

The post Доделени наградите за најдобри дела на тема трансплантација и органодарување appeared first on Support of the transplantation system.

На дебатите покрај ученици од гимназијата „Димитар Влахов“ од Струмица и учениците од средните училишта „Кочо Рацин“, „Димитрија Чуповски“, „Јовче Тесличков“ и „Коле Неделковски“, од Велес, присуствуваа и Националниот координатор за трансплантација на органи и ткива, д-р Маја Мојсова Мијовска, заменик националниот координатор д-р Билјана Андоновска и Адријана Георгиев, Раководителка на Програмата за трансплантација на органи и ткива при Министерството за здравство.

Вие, младите, сте идната сила на ова општество и токму со вас е важно да се разговара за овие сегменти од живеењето. Одлуките кои се носат, навистина не се лесни, но, треба да сме информирани. Донорите, семејствата на донорите, со своите одлуки, носат една нова надеж, поинаква човечка димензија на дарувањето. Тоа е начинот да покажеме и една друга перспектива, наспрема свртеноста кон себе си и индивидуализираноста. Сакаме на младите да им ја пренесеме пораката дека не постојат табу теми и теми за кои се плашиме да зборуваме. Неопходен ни е разговор дури и на тие теми и мораме притоа да градиме ставови. Некогаш животот нѐ носи во ситуации кога ни е потребно да се донесат важни одлуки. Органодарувањето е една од тие одлуки – вели др Мојсова.

Дарителите на органи се херои, и семејни, но и општествени. Спасуваат животи, менуваат приказни, дел се од највисоките хумани чинови за кои знае човештвото. Нив и на нивните семејства им се поклониваме, објаснува др Мојсова.

Трансплантација е медицински процес, но во исто време е и еден општествен процес кој отвара прашања како што се хуманоста, емпатијата и љубовта. Семејставата кои носат одлука да ги донираат органите од своите блиски, чувствуваат некаква утеха во тоа дека дел од нивните блиски продолжуваат на некој начин да живеат и во исто време ја менуваат животната приказна на други луѓе, кои не ги ни познаваат, а ете им подаруваат живот. Тоа е врвен знак на хуманост, емпатија, на љубов. Грижа за другиот, што само по себе, е и значењето на животот, сподели Георгиев.

На средбата се отворија и прашања за начините на кои се станува донор, за етичките принципи на органодарувањето, за возрасната граница на донорите и реципиентите, за заштитата на личните податоци, и уште многу други поттеми.

Заменик националниот координатор д-р Билјана Андоновска ги објасни начините на станување дарител на органи, и укажа на важноста од разговорите и дискусиите на оваа тема, кои потоа резултираат со зголемена согласност. Македонија, вели, е на мапата на земјите во подем на органодарители.

• Додека во короната секаде паѓаше бројот на органодарители, во нашата земја тој број имаше пик. Како земја, имаме принцип на претпоставена согласност за органодарување, но, секогаш последниот збор го има семејството. Неговата согласност ни е најважна, вели таа.
  Еден донор може да спаси осум животи, а во поглед на трансплантација на ткива може да биде подобрен животот и на стотина други пациенти.
• Органодарителите се често луѓе кои и цел живот помагале на други, и тоа го прават после смртта.
  Семејствата често носат одлуки врз основа на тоа какви луѓе сме биле додека сме живееле. Со трансплантацијата се дава, се продолжува живот, но, и го подобруваме квалитет на животот, нагласи Андоновска.

Исто како што беше неодамна во Скопје, и во овие градови младите изразија голема заинтересираност и отвореност да разговараат на една тема која е олицетворение на тенката линија помеѓу животот и смртта. Поставуваа прашања, споделуваа ставови, поттикнуваа дискусија.
Учениците имаа можност да погледнат и кусо документарно видео со фокус на органодонорството и трансплантацијата, но, и да дадат свој фидбек за пристигнати решенија на Повикот за визуелни дела за средношколци и професионални дизајнери на тема органодонорство, чии победници ќе се соопштат наскоро.

Фасцинирана сум од сѐ што слушнав. Темата е мрачна, но, многу ме допре. Верувам дека ваквите средби придонесуваат да научиме многу повеќе за процесите, но, и за човечноста, за надежта, за љубовта, изјави една од ученичките.

Настанот е дел од проектот „Поддршка на системот за трансплантација“, финансиран од ЕУ во кој Министерството за здравство е краен корисник. Модератор на настанот беше Небојша Илијевски, проектен консултант за комуникации.

The post Донирањето на органи е највисок чин на хуманост, љубов и емпатија appeared first on Support of the transplantation system.

Следниот чекор во овој процес е жирирањето на вашите дела. Жирирачко тело со состав од квалификувани експерти во областа на уметноста и медицината ќе ја разгледа секоја ваша пријава со внимание и посветеност. Вашиот труд и креативност ќе бидат прегледани со најголема внимателност и ќе бидат оценети според нивната оригиналност и релевантност кон темата.

Откако ќе бидат извршени жирирањето, ќе бидете известени за резултатите. На сите уметници чии дела бидат избрани за изложба, ќе им биде понудено претставување на нивната работа, каде што ќе имаат можност да ја споделат својата порака со пошироката заедница и да ги поттикнат разговорите за важноста на органодонорството и трансплантацијата. Уште еднаш, изразуваме најискрена благодарност кон сите учесници за нивната ангажираност и креативност.
Вашиот придонес е од суштинско значење и ние сме ви благодарни за тоа.

The post Конкурсот за брендинг заврши, резултати наскоро! appeared first on Support of the transplantation system.